Nyusun Kalimah Parentah

Titenan dua kalimah ieu di handap!
1. Pupus bor, Jang!
2. Pangmeulikaeun pulpen ka warung!

Dua kalimah di luhur mangrupakeun kalimah parentah. Kalimah parentah nyaeta kalimah nu nitah ka nu diajak nyarita pikeun ngalakukeun hiji pagawean.

Di handap ieu aya runtuyan kecap. Titenan!
1.patlot – seukeutan – Nyi
2.dina meja – kantong – pangnyokotkeun
Runtuyan kecap di luhur ge biasa dijieun kalimah parentah. Kalimah parentahna kieu:
1.Seukeutan patlot, Nyi!
2.Pangnyokotkeun kantong dina meja!

Pancen
Susun Runtuyan kecap ieu di handap jadi kalimah parentah. Ulah poho gunakeun tanda panitah (!) di tungtung kalimah!
1.Kana wadah runtah – keretas – piceun
Kalimahna: __________________________

2.ku sapu nyere – sapukeun – buruan sakola
Kalimahna: __________________________

3.pulas – ku patlot gambar – teh – gambar
Kalimahna: __________________________

4.ka sakola – Jung – indit
Kalimahna: __________________________

5.kumpulkeun – ku KM – keretas ulanganana
Kalimahna: __________________________

Perhatikeun oge dua kalimah ieu di handap!

1.Tutup
Tutupkeun panto teh!

2.Baca
Bacakeun dongeng teh!

Pancen
Jieun kalimah parentah tina kecap-kecap ieu di handap!
1.Asong
   ________________________________________________
2.Apung
   ________________________________________________

3.Buka
  ________________________________________________

4.Kumpul
  ________________________________________________

5.Asup
  ________________________________________________

Posted in: Nulis